Bakının Xətai rayonunda yol nəqliyyat hadisəsi olub.
Azinformasiya.az xəbər verir ki, hadisə 8 Noyabr prospektində, “Gənclik Park”ın qarşısında baş verib.
Tanınmış aparıcı Aytən Səfərovanın idarə etdiyi “Hyundai” markalı avtomobil digər “Hyundai” ilə toqquşaraq aşıb. Nəticədə aşan avtomobil yol kənarında olan “Kia Soul” markalı avtomobilə çırpılıb.
Nəticədə 1 nəfər ölüb, Aytən Səfərova da daxil olmaqla bir neçə nəfər xəsarət alıb.
Faktla bağlı araşdırma aparılır.
Azinformasiya.az