İsrail və HAMAS arasındakı Qahirə danışıqları nəticəsiz başa çatıb.
Azinformasiya.az xəbər verir ki, bu barədə “CBS News” telekanalı məıumat yayıb.
Qeyd olunub ki, İsrail Fələstin tərəfinin 6 günlük atəşkəs təklifinə cavab verənə kimi müzakirələrə qatılmayacaq.
Xarici mətbuatın yazdığına əsasən, İsrailin baş naziri Benyamin Netanyahu qarşı tərəfə ultimatum göndərərək, Qəzzada hərbi əməliyyatların 7 gün müddətinə dayandırılması razılaşdırılmasa, TSAXAL ordusu Rəfahda hərbi əməliyyatlara başlayacağını bildirib.
Həmçinin xatırladaq ki, tərəflər HAMAS-ın saxladığı 130 nəfərdən çox girovun azadlığa buraxılması məsələsində də konsensus əldə edə bilməyiblər.
Bundan başqa, Vaşinqton indiyə kimi onların çox az hissəsinin həyatda olduğunun ehtimal edildiyini açıqlayıb.
Azinformasiya.az