“Gürcüstan-Moskva” marşrutu ilə hərəkət edən avtobus Rusiyanın Stavropol diyarında qəzaya uğrayıb.
Azinformasiya.az TASS-a istinadən xəbər verir ki, avqustun 30-na keçən gecə “Qafqaz” federal avtomobil yolunun 3-cü kilometrində yüksək sürətlə hərəkət edən Gürcüstan-Moskva marşrutu ilə avtobusu qarşıdakı “KamAZ”-a çırpılıb, daha sonra yol kənarındakı xəndəyə aşıb.
Qəza nəticəsində 5 nəfər hadisə yerində ölüb, 10-u uşaq olmaqla, xəsarət alan 38 nəfər xəstəxanaya yerləşdirilib.
Azinformasiya.az