Gəndob Yalama avtomobil yolunun Xaçmaz rayonunun Mürşüd-oba kəndi ərazisindən keçən hissəsində yol nəqliyyat hadisəsi olub.
Azinformasiya.az xəbər verir ki, “Vaz 2107” və “Vaz 21010” markalı avtomobillərin toqquşması nəticəsində 4 nəfər müxtəlif dərəcəli xəsarətlər alıb.
Qəza nəticəsində biri azyaşlı olmaqla Xaçmaz rayonu Mürşüd-oba kənd sakini 1986-cı il təvəllüdlü Novruzov Vitaliy Raufoviç, 1981-ci il təvəllüdlü Xudat şəhər sakini Həmrayev Bəhruz Allahyar oğlu və Bərdə rayon sakini 1993-cü il təvəllüdlü Əliyeva Elminaz Rahid qızı müxtəlif dərəcəli xəsarətlər alıb.
Sözügedən şəxslər Xaçmaz rayon Mərkəzi Xəstəxanasına yerləşdirilib.
Faktla bağlı araşdırma aparılır.
Azinformasiya.az