Türkiyə xarici işlər naziri Hakan Fidanla ABŞ dövlət katibi Antoni Blinken arasında görüş zamanı iki ölkə arasında münasibətlər hərtərəfli müzakirə olunub.
Azinformasiya.az xəbər verir ki, bu barədə diplomatik mənbələr bildirib.
Həmçinin Hakan Fidan Blinkenə Türkiyənin F-16-nın satınalma prosesinin yekunlaşmasını gözlədiyini bildirib.
O, eyni zamanda bildirib ki, İsveçin NATO-ya üzvlük prosesi ilə bağlı yekun qərarı ölkə parlamenti verəcək.
Türkiyə XİN rəhbəri və ABŞ dövlət katibi Qəzzada davam edən insan faciəsini də qiymətləndiriblər. İsrailin artan təcavüzünün bütün bölgə üçün təhdid olduğuna diqqət çəkən Fidan, dərhal atəşkəs elan edilməsi və Qəzzaya fasiləsiz humanitar yardımların çatdırılması lazım olduğunu vurğulayıb. O, iki dövlətli həll üçün danışıqların mümkün qədər tez başlamasına çağırıb.
Qara dənizdə gərginliyin olmasını istəmədiyimizi bildirən Türkiyə XİN rəhbəri Rusiya və Ukraynada istehsal olunan qida məhsullarının dünya bazarlarına təhlükəsiz şəkildə çatdırılması üçün göstərdiyimiz səylərə də toxunub.
Görüş zamanı Azərbaycan və Ermənistan arasında aparılan danışıqlar, Suriya və İraq kimi regional məsələlər də müzakirə olunub.
Azinformasiya.az