İrəvan sərhədlərin delimitasiya və demarkasiyası məsələlərini Bakı ilə müzakirə etməkdən imtina edərsə, bu, müharibəyə gətirib çıxaracaq.
Azinformasiya.az “Sputnik Armenia”ya istinadən xəbər verir ki, bu barədə Ermənistanın Baş naziri Nikol Paşinyan dünən Tavuş bölgəsinə səfəri zamanı sakinlərlə görüşdə danışıb.
Paşinyan Tavuş sakinlərinin ona ünvanladığı suallara cavab olaraq bildirib ki, İrəvandan Bakıya etiraz edilməsinin fəsadları ağır ola bilər: “Mən indi ayağa qalxıb zalı tərk edə bilərəm və deyərəm ki, delimitasiya ilə demarkasiya olmayacaq. Ancaq bu o deməkdir ki, həftənin sonunda müharibə olacaq. Və mən bilirəm ki, bu həftənin sonunda olacaq. Müharibə baş versə, nə ilə nəticələnəcəyini də bilirəm. Və sonra biz Respublika meydanında qarşılaşanda siz mənə deyəcəksiniz ki, yaxşı, deyək ki, biz sadə kəndlilərik, məlumatımız yox idi, ancaq siz axı hər şeyi bilirdiniz”, – deyə Paşinyan bildirib.
Azinformasiya.az