Oğuzda minik avtomobilləri toqquşub, 1 nəfər xəsarət alıb.
Azinformasiya.az xəbər verir ki, hadisə şəhərin girişində qeydə alınıb. Qəza zamanı iki minik avtomobili toqquşub.
İlkin məlumata əsasən, avtomobildə olan sərnişin, rayonun Yaqublu kənd sakini – 1995-ci il təvəllüdlü Nurəhməd Nərman oğlu Mövlamov müxtəlif dərəcəli xəsarət alıb. N. Mövlamova lazımi ilkin tibbi yardım göstərilib.
O müayinə edilməsi üçün Şəki Rayon Mərkəzi Xəstəxanasına (RMX) göndərilib.
Faktla bağlı araşdırma aparılır.
Azinformasiya.az