Naxçıvan şəhərində avtomobil piyadanı vuraraq öldürüb.
Azinformasiya.az xəbər verir ki, hadisə şəhərin Əziz Əliyev küçəsində baş verib. 67-BG-464 dövlət nömrə nişanlı “Daimler Chrysler” markalı avtomobil Koroğlu dairəsində piyada keçidindən istifadə edən Babək rayon, Şəkərabad kənd sakini, 1955-ci il təvəllüdlü Səfərov Hüseyn Yaqub oğlunu vurub. Müxtəlif bədən xəsarətləri alan zərərçəkən Naxçıvan Muxtar Respublika Xəstəxanasına çatdırılsa da, dünyasını dəyişib.
Sürücü Babək rayon Zeynəddin kənd sakini, 1973-cü il təvəllüdlü Nəbiyev Amil Məcnun oğlu saxlanılıb.
Faktla bağlı araşdırma aparılır.
Azinformasiya.az