Lənkəranda 3 nəfərin xəsarət alması ilə nəticələnən yol nəqliyyat hadisəsi olub.
Azinformasiya.az xəbər verir ki, hadisə köhnə Ələt-Astara magistralında, Lənkəran rayonunun Liman şəhəri ərazisində baş verib. İki nəqliyyat vasitəsinin toqquşması nəticəsində 3 nəfər – Masallı rayon sakinləri – 1983-cü il təvəllüdlü Bəhruz İmanqulu oğlu Cəfərov, 1955-ci il təvəllüdlü Vəsilə Abdulrza qızı Hüseynova və Lənkəran rayonunun Qumbaşı kənd sakini 1992-ci il təvəllüdlü Hikmət Xanhüseyn oğlu Bəşirov xəsarət alıb.
Onlar Lənkəran rayon mərkəzi xəstəxanasının təcili yardım şöbəsinə çatdırılıb.
Faktla bağlı araşdırma aparılır.
Azinformasiya.az