Başqırdıstanda kütləvi iğtişaşlar və etirazlar yoxdur, hüquq-mühafizə orqanlarının və yerli hakimiyyət orqanlarının səlahiyyətlərinə aid olan ayrı təzahürlər var.
Azinformasiya.az xəbər verir ki, bunu Rusiya Prezidentinin mətbuat katibi Dmitri Peskov bildirib. Kremlin sözçüsü Başqırdıstanda baş verənlərlə bağlı “kütləvi etirazlar” ifadəsinin işlədilməsi ilə razılaşmadığını deyib:
“Mən “kütləvi iğtişaşlar” və “kütləvi etirazlar” ifadələri ilə razılaşmaram. Başqırdıstanda kütləvi iğtişaşlar və kütləvi etirazlar yoxdur. Ayrı təzahürlər var ki, onlar daha çox yerli hakimiyyət orqanlarının və hüquq-mühafizə orqanlarının səlahiyyətlərinə aiddir”, – deyə Peskov vurğulayıb.
Qeyd edək ki, etnik zəmində nifrəti qızışdırdığı üçün 4 il həbs cəzası almış ictimai fəal Fail Alçinov barəsində hökmün elan olunduğu Baymaksk Rayon Məhkəməsinin qarşısında iğtişaşlar baş verib. İstintaqın məlumatına əsasən, Alçinov İşmurzino kəndindəki vətəndaşların toplantısında Qafqaz və Orta Asiya xalqlarının nümayəndələrini təhqir edib. Rusiya İstintaq Komitəsi kütləvi iğtişaşların təşkili və iştirakına və dövlət məmuruna qarşı zorakılıq tətbiq edilməsinə görə cinayət işi açıb.
Azinformasiya.az