“Hazırda regionda baş verən geosiyasi dəyişikliklər fonunda Cənubi Qafqaz xalqları arasında sülhün və sabitliyin möhkəmləndirilməsi, dinc birgə yaşamağın və dialoqun davam etdirilməsi xüsusi əhəmiyyət kəsb edir”.
Azinformasiya.az xəbər verir ki, bunu Gürcüstanın Baş naziri İrakli Kobaxidze Azərbaycanla Gürcüstan arasında iqtisadi əməkdaşlıq üzrə birgə hökumətlərarası komissiyanın XI iclasında deyib.
Onun sözlərinə əsasən, Gürcüstan Azərbaycanla Ermənistan arasında başlanan sülh prosesini alqışlayır və regionun iqtisadi inkişafa nail olacağına ümid edir.
“İqtisadi münasibətlər Gürcüstan və Azərbaycan arasında strateji tərəfdaşlığın təməl daşıdır. İki ölkə arasında hüquqi çərçivə və daha geniş siyasi dinamika iqtisadi əməkdaşlığın tam inkişafına kömək edir. Məqsədimiz bu nailiyyətləri daha da inkişaf etdirmək. o cümlədən Gürcüstan məhsullarının ticarət potensialını maksimum dərəcədə artırmaq, ticarət münasibətlərini şaxələndirmək və investisiya fəaliyyətlərini genişləndirməkdir”, – Baş nazir əlavə edib.
Azinformasiya.az