İranın Sistan-Bəlucistan əyalətində aksiya zamanı etnik bəluclarla hərbi-polis qüvvələri arasında baş verən toqquşma nəticəsində 7 etirazçı ölüb, çoxlu sayda dinc sakin isə yaralanıb.
Azinformasiya.az xəbər verir ki, məlumatı “Amerikanın səsi” radiosunun fars redaksiyası yayıb.
Rejimin hərbi-polis qüvvələrinin motosikletçiləri aksiya zamanı əyalətin Fənuc şəhərində 4 yeniyetməyə hücum edib.
Yeniyetmələrin yaralanmasına etiraz olaraq şəhər əhalisi yerli polis şöbəsinin binasını daş-qalaq ediblər.
Hökumət qüvvələrinin etirazçılara odlu silahdan atəş açdıqları bildirilib.
Məlumata əsasən, Fənucə İnqilab Keşikçiləri Qvardiyasının yeni qüvvələri və hərbi texnikası yeridilib.
Azinformasiya.az