İran xarici işlər naziri Abbas Əraqçi türkiyəli həmkarı Hakan Fidanla telefon danışığı aparıb.
Azinformasiya.az xəbər verir ki, bu barədə İran Xarici İşlər Nazirliyi məlumat yayıb.
Məlumata əsasən, Abbas Əraqçi Hakan Fidanla ötən gecə ABŞ-ın İranın cənubuna hücumundan sonra regionda yaranmış son vəziyyəti müzakirə edib.
Əraqçi ABŞ-ın hərbi təcavüzünü, İranın suverenliyi və ərazi bütövlüyünün pozulmasını pisləyərək, İran ordusunun qarşılıqlı cavab vermək üçün özünümüdafiə hüququna malik olduğunu vurğulayıb.
Həmçinin Əraqçi Səudiyyə Ərəbistanının xarici işlər naziri ilə də telefon danışığı apararaq regiondakı hadisələri müzakirə edib.
Azinformasiya.az