ABŞ-ın müdafiə naziri köməkçisinin müavini Endryu Lumis Gürcüstanda səfərdədir
Azinformasiya.az xəbər verir ki, o, Gürcüstan Baş nazirinin müavini, müdafiə naziri İrakli Çikovani ilə görüş keçirib.
Görüşdə Gürcüstanla ABŞ arasında müdafiə sahəsində mövcud əməkdaşlıq və gələcək perspektivlər müzakirə olunub.
Tərəflər regionda təhlükəsizlik sahəsində vəziyyəti və çağırışları, gürcü və amerikalı hərbçilərin beynəlxalq missiyalarda çoxillik birgə töhfələri, birgə hərbi təlimləri də nəzərdən keçiriblər.
Endryu Lumis Gürcüstana səfəri çərçivəsində müdafiə nazirinin birinci müavini Paata Patiaşvili və Müdafiə Qüvvələri komandanının müavini, general-mayor İrakli Çiçinadze ilə də görüşüb.
Azinformasiya.az