“Biz müttəfiqlərimizi, ortaq təhlükəsizliyimizi qiymətləndiririk. Və biz açıq söhbəti hər zaman təqdir edirik. Ukrayna NATO-nun Vilnüsdə keçiriləcək sammitində təmsil olunacaq. Çünki söhbət hörmətdən gedir”.
Azinformasiya.az xəbər verir ki, bunu Ukrayna dövlət başçısı Vladimir Zelenski “Twitter” hesabında yazıb.
“Lakin Ukrayna da hörmətə layiqdir. İndi Vilnüsə gedərkən bizə siqnallar gəldi ki, Ukraynasız müəyyən ifadələr müzakirə edilir. Bu ifadənin Ukraynanın üzvlüyünə deyil, NATO-ya üzv olmağa dəvətlə bağlı olduğunu vurğulamaq istəyirəm. Nə dəvət, nə də Ukraynanın üzvlüyü üçün zaman çərçivəsinin müəyyən edilməməsi görünməmiş haldır və absurddur. Həmçinin Ukraynanı dəvət etmək üçün “şərtlər” haqqında qeyri-müəyyən ifadələr əlavə olunur. Çox güman ki, Ukraynanı nə NATO-ya dəvət etməyə, nə də onu Alyansa üzv etməyə hazırlıq var. Bu o deməkdir ki, Rusiya ilə danışıqlarda Ukraynanın NATO-ya üzvlüyü ilə bağlı bazarlıq etmək üçün fürsət pəncərəsi qalır. Rusiya üçün isə bu terrorunu davam etdirmək üçün motivasiya deməkdir. Qeyri-müəyyənlik zəiflikdir. Mən bunu sammitdə açıq şəkildə müzakirə edəcəyəm”, – Zelenski bildirib.
Azinformasiya.az