İsrail Yunanıstana tank əleyhinə raketlər satacaq.
Azinformasiya.az “Reuters”ə istinadən xəbər verir ki, bu haqda İsrail Müdafiə Nazirliyi məlumat yayıb.
İsrailin Yunanıstana dövlətə məxsus müdafiə podratçısı “Rafael” tərəfindən istehsal olunan tank əleyhinə “Spike” raketlərini satmaq üçün 400 milyon dollar dəyərində müqavilə imzaladığı bildirilib.
“Bu layihə İsrail ilə Yunanıstan arasında bir sıra sazişlərin sırasına qoşulur və ölkələrimiz və müdafiə qurumlarımız arasında güclü tərəfdaşlığı, habelə regional sabitliyin təmin edilməsinə dair qarşılıqlı öhdəliyimizi daha da vurğulayır”, – İsrailin müdafiə naziri Yoav Gallant qeyd edib.
Azinformasiya.az