ABŞ prezidentinin xüsusi nümayəndəsi Steven Uitkoff hesab edir ki, nə Ukrayna, nə də Rusiya bir-biri ilə müharibə aparmaq istəmir. Bununla belə, sülh sazişinin imzalanması prosesi hələlik uzanır.
Azinformasiya.az xəbər verir ki, bu barədə o, Fox News telekanalına müsahibəsində bildirib.
“Görünür, onlar bir-biri ilə döyüşmək istəmirlər və mən düşünmürəm ki, bunu istəyirlər”, – deyə Uitkoff bildirib.
O həmçinin qeyd edib ki, hər iki ölkənin rəhbərliyi səviyyəsində razılaşmanın yekunlaşdırılması çətinlik yaradır. Bu isə hərbi əməliyyatların tezliklə dayandırılması perspektivlərini mürəkkəbləşdirir.
“Düşünürəm ki, rəhbərlik səviyyəsində onlar üçün sazişi yekunlaşdırmaq çətindir”, – deyə Uitkoff vurğulayıb.
Azinformasiya.az