Ucarda cücə sexində yanğın olub.
Azinformasiya.az xəbər verir ki, hadisə axşam saatlarında rayonun Cəfər Cabbarlı küçəsində baş verib.
Rayon sakini Asif Əvəz oğlu Nuruyevə məxsus ümumi sahəsi 450 kvadratmetr olan cücə sexində güclü yanğın baş verib. Yanğın zamanı 210 kvadratmetr sahə yanıb. Hadisə yerinə Fövqəladə Hallar Nazirliyinin Ucar Rayon Yanğından Mühafizə Hissəsinin canlı qüvvəsi və texnikası cəlb olunub.
Yanğınsöndürənlərin səyi nəticəsində yanğın söndürülüb və yaxınlıqdakı evlər yanğından mühafizə olunub.
Zərərçəkənin sözlərinə görə, 4000 cücə yanaraq tələf olub.
İlkin ehtimala əsasən, yanğına səbəb elektrik naqillərində baş verən qısaqapanma olub.
Faktla bağlı araşdırma aparılır.
Azinformasiya.az