Sumqayıtda 4 nəfərin xəsarət alması ilə nəticələnən yol-nəqliyyat hadisəsi olub.
Azinformasiya.az xəbər verir ki, hadisə Sülh prospekti ilə Səməd Vurğun küçəsinin kəsişməsində baş verib.
“Toyota Prius” və “İsuzu” markalı avtomobillər toqquşub. Nəticədə “Prius”da olan sürücü və 3 sərnişin xəsarət alıb.
Yaralılar dərhal Sumqayıt şəhər Təcili Tibbi Yardım Xəstəxanasına çatdırılıb.
Faktla bağlı araşdırma aparılır.
Azinformasiya.az