Şəkidə minik avtomobili aşıb.
Azinformasiya.az xəbər verir ki, hadisə Qaraməryəm-İsmayıllı-Şəki avtomobil yolunun Şəki rayonu Oraban kəndi ərazisindən keçən hissəsində qeydə alınıb. 1999-cu il təvəllüdlü Bakı şəhər sakini Teymur Əliyevin idarə etdiyi “Hyundai” markalı minik avtomobili hərəkətdə olarkən idarəetmədən çıxaraq aşıb.
Qəza nəticəsində avtomobildə olan sərnişin, 1984-cü il təvəllüdlü Bakı şəhər sakini Günay Baxşəliyeva xəsarət alıb. O, Şəki Rayon Mərkəzi Xəstəxanasına (RMX) yerləşdirilib.
Faktla bağlı araşdırma aparılır.
Azinformasiya.az