Qərb Rusiya ilə Qazaxıstan arasında münasibətləri gərginləşdirməyə çalışır.
Azinformasiya.az xəbər verir ki, bunu Rusiya Təhlükəsizlik Şurası katibinin müavini Aleksey Şevtsov təhlükəsizlik məsələləri üzrə Rusiya-Qazaxıstan məsləhətləşmələri zamanı bildirib.
O qeyd edib ki, anqlosakslar bütün dünyada parazitlik etməyə öyrəşiblər, ona görə də MDB məkanını özlərinə təhlükə kimi görürlər.
“Qərb dövlətləri müstəqil dövlətlərin daxili işlərinə birbaşa və qeyri-etik formada müdaxilə edərək, Rusiya ilə Qazaxıstan arasında əlaqələrə mənfi təsir göstərməyə çalışırlar.
ABŞ-la müttəfiqləri internet və sosial şəbəkələr də daxil olmaqla, millətçi hissləri qüvvətləndirməyə, böhtan yaymağa, ictimai rəyi manipulyasiya etməyə çalışırlar.
Bu da suveren dövlətlərin daxili işlərinə birbaşa və etikadan kənar müdaxilədir”, – deyə Şevtsov diqqətə çatdırıb.
Azinformasiya.az