Qazaxıstan iqtisadi sahədə əməkdaşlığa başlamaq məqsədilə “Taliban”ı terrorçu təşkilatların siyahısından çıxarıb.
Azinformasiya.az TASS-a istinadən xəbər verir ki, bunu ölkənin Prezidenti Kasım-Jomart Tokayev KTMT-yə üzv dövlətlərin parlament rəhbərləri ilə görüşdə bildirib.
O deyib ki, müasir dünyada prioritet məsələlərdən biri Əfqanıstanın regional əlaqələr sisteminə aktiv şəkildə cəlbindən ibarətdir.
Qazaxıstan liderinin sözlərinə əsasən, Kollektiv Təhlükəsizlik Müqaviləsi Təşkilatına üzv dövlət arasında bu məsələdə yekdil fikir mövcuddur.
Azinformasiya.az