Azərbaycan Respublikasında yanvar ayının 29-na təyin edilmiş bələdiyyə seçkilərinin təşviqat mərhələsi çərçivəsində Yeni Azərbaycan Partiyasının (YAP) Suraxanı rayonu, Qaraçuxur bələdiyyəsinin üzvlüyünə namizədlərinin seçicilərlə növbəti səyyar görüşləri keçirilib.
Azinformasiya.az xəbər verir ki, Qaraçuxur qəsəbəsi, Yeni Günəşli yaşayış sahəsi 50-ci binanın və Yeni Günəşli “D” yaşayış sahəsi 6-cı binanın sakinləri ilə baş tutan səyyar görüşlərdə YAP-ın Qaraçuxur bələdiyyəsi üzvlüyünə namizədləri İxdiyar Nəcəfov, Arif Şahmuradov, Mirvari Quliyeva, Rəşad Rzayev, Jalə Qibləliyeva, Eldar Mirzəliyev və İlham Mirzəyev iştirak ediblər.
Bələdiyyə seçkilərinin əhəmiyyətindən danışan YAP namizədi İxdiyar Nəcəfov təşviqat prosesi zamanı seçicilərin böyük ruh yüksəkliyi ilə görüşlərə gəldiklərini vurğulayıb. O bildirib ki, bu gün Cənab Prezident İlham Əliyevin uğurlu siyasəti nəticəsində milli məqsədlərimiz müvəffəqiyyətlə gerçəkləşdirilir və bütün sahələrdə böyük nailiyyətlər qazanılır. Ulu Öndər Heydər Əliyevin siyasi kursunu bütün sahələrdə uğurla davam etdirən Zəfərimizin memarı, Prezident İlham Əliyev Ümummilli Liderin 2003-cü il oktyabrın 1-də xalqa tarixi müraciətində ifadə etdiyi inamı və etimadı layiqincə doğruldaraq bütün dünyaya güclü Azərbaycan modelini təqdim edib.
YAP-ın Qaraçuxur bələdiyyəsi üzvlüyünə digər namizədləri Arif Şahmuradov, Mirvari Quliyeva, Rəşad Rzayev, Jalə Qibləliyeva, Eldar Mirzəliyev və İlham Mirzəyev də çıxış edərək seçiciləri qarşıdan gələn bələdiyyə seçkilərində YAP-ın namizədlərinə səs verməyə çağırıblar.
Çıxış edən seçicilər bələdiyyə seçkilərində Yeni Azərbaycan Partiyasının namizədlərinə səs verəcəklərini diqqətə çatdırıblar.
Azinformasiya.az