Kreml ABŞ-ın İranla danışıqlar aparıb-aparmadığını bilmir.
Azinformasiya.az xəbər verir ki, bunu Kremlin rəsmi nümayəndəsi Dmitri Peskov bildirib.
Onun sözlərinə əsasən, vəziyyətlə bağlı bir sıra ziddiyyətli açıqlamalar qeydə alınıb: “Biz də sizin kimi, həqiqətən də hər tərəfdən bir çox ziddiyyətli açıqlamalar görürük. Biz əslində reallıq nədən ibarət olduğunu bilmirik. İranın sülh danışıqlarına açıqlığına gəldikdə isə, İran bunu əməldə təsdiqləyib. İrana ilk hücum anına qədər Tehran danışıqları davam etdirməyə açıq qalıb və əslində bu danışıqlar kifayət qədər yaxşı irəliləyirdi. Bizim və dünyanın qalan hissəsinin bildiyi budur”.
Qeyd edək ki, ABŞ prezidenti Donald Tramp İranın enerji obyektlərinə zərbələri təxirə saldığını və iki tərəfin yaxşı və məhsuldar danışıqlar apardığını açıqlayıb. İran isə Vaşinqtonla hər hansı bir əlaqəni təkzib edib.
Azinformasiya.az