Pakistan Baş nazirinin müavini və xarici işlər naziri İshaq Dar və İran xarici işlər naziri Abbas Araqçi arasında telefon danışığı olub.
Azinformasiya.az xəbər verir ki, bu barədə Pakistan Xarici İşlər Nazirliyi məlumat yayıb.
Ishaq Dar Abbas Araqçi ilə telefon danışığında vurğulayıb ki, davamlı sülhə nail olmaq üçün yeganə real yol dialoq və diplomatiyadır.
Tərəflər telefon danışığı zamanı Yaxın Şərq regionunda dəyişkən vəziyyət və davam edən proseslər ətrafında fikir mübadiləsi aparıblar.
İshaq Dar gərginliyin azaldılmasının vacibliyini qeyd edərək bildirib ki, münaqişədə iştirak edən bütün tərəflər tərəfindən hücumların dayandırılması həyati əhəmiyyət daşıyır.
O həmçinin qeyd edib ki, Pakistan regionda sülh və sabitliyin bərpasına yönəlmiş bütün təşəbbüsləri dəstəkləmək öhdəliyinə sadiq qalacaq.
Azinformasiya.az