Özbəkistan prezidenti Şavkat Mirziyoyev BMT Baş Assambleyasının plenar sessiyasında çıxış edəcəyi Nyu-Yorka gəlib.
Azinformasiya.az xəbər verir ki, bu barədə prezidentin saytında məlumat verilib.
Məlumatda bildirilir ki, Mirziyoyev sentyabrın 19-da BMT Baş Assambleyasının plenar sessiyasının ümumi müzakirələrində məruzə ilə çıxış edəcək və regional və qlobal gündəliyin aktual problemlərinə dair baxışını təqdim edəcək. Aydındır ki, beynəlxalq siyasi tədbir çərçivəsində, eyni zamanda Mərkəzi Asiya ölkələri və ABŞ liderlərinin sammiti, xarici dövlətlərin başçıları, nüfuzlu beynəlxalq təşkilatların və Amerikanın aparıcı şirkətlərinin rəhbərləri ilə bir sıra ikitərəfli görüşlər keçiriləcək.
Bundan öncə prezidentin mətbuat katibi Şerzod Əsədov bildirib ki, Mirziyoyev sentyabrın ikinci yarısında BMT Baş Assambleyasının 78-ci sessiyasında şəxsən iştirak etmək niyyətindədir.
Azinformasiya.az