Macar xalqı Ukraynanı tərəfdaş kimi görmək istəyir, ancaq Avropa İttifaqının üzvü kimi qəbul etmir.
Azinformasiya.az xəbər verir ki, bu sözləri Macarıstanın Baş naziri Viktor Orban Budapeştdə keçirilən “Sülh yürüşü” iştirakçıları qarşısında çıxış edərkən deyib.
Orbanın sözlərinə əsasən, Ukraynanın birliyə daxil olması Aİ-yə müharibə və iqtisadi fəlakət gətirə bilər.
“Kiyev bu alyansa ancaq müharibə və iqtisadi dağıntı gətirə bilər”, – Baş nazir vurğulayıb.
Macarıstan Baş naziri çıxışı zamanı Avropa İttifaqının mövcud siyasətini kəskin tənqid edərək bildirib ki, “Brüssel bu gün yardım yox, təhlükə mənbəyinə çevrilib”.
Baş nazir qeyd edib ki, Macarıstan sülhü müdafiə edən yeganə Avropa dövləti olaraq qalır və ölkəsi Ukraynaya silah və pul göndərən “müharibə koalisiyasına” qoşulmayacaq.
“Bizim müharibəyə ehtiyacımız yoxdur. Biz sülh istəyirik. Macarıstan heç vaxt bu münaqişənin bir hissəsi olmayacaq”, – Orban vurğulayıb.
Azinformasiya.az