Oğuzda iki avtomobil toqquşub, 3 nəfər xəsarət alıb.
Azinformasiya.az xəbər verir ki, hadisə Qaraməryəm-İsmayıllı-Şəki avtomobil yolunun Oğuz rayonunun Calut kəndi ərazisindən keçən hissəsində qeydə alınıb. Oğuz rayon sakinlərinin idarə etdiyi “VAZ-2106” və “VAZ-2107” markalı minik avtomobilləri toqquşub.
Qəza nəticəsində avtomobillərdə olan 3 nəfər xəsarət alıb. Xəsarət alanlardan ikisi rayonun Yaqublu, bir nəfər isə Calut kəndinin sakinləridir.
Xəsarət alanlar Oğuz Rayon Mərkəzi Xəstəxanasına (RMX) yerləşdiriliblər.
Faktla bağlı araşdırma aparılır.
Azinformasiya.az