İsrailin baş naziri Benyamin Netanyahu dünən axşam keçirdiyi mətbuat konfransında deyib ki, İsrail “lazım gələrsə, dünyaya qarşı möhkəm dayanacaq”.
Azinformasiya.az xəbər verir ki, bu barədə Times of Israel məlumat yayıb.
O, eyni zamanda ərəb dövlət başçılarını HƏMAS-a qarşı çıxmağa çağırıb.
İsrail baş nazirinin sözlərinə əsasən, bu qrup Qəzzaya “yalnız fəlakət, qan və yoxsulluq gətirdi”.
Üstəlik, onun sözlərinə görə, bu, “İranın terror və şər oxunun ayrılmaz hissəsidir və bu ox “bütün dünyanı və bütövlükdə bütün ərəb dünyasını təhlükə altına alır”.
Bundan başqa, Netanyahu İsrail Müdafiə Qüvvələrinə beynəlxalq dəstəyi təmin etmək üçün çalışdığını bildirib və qeyd edib ki, “Həmasın vəhşiliklərindən sonra azad dünyada hər kəs İsraili dəstəkləmək üçün mənəvi öhdəlik daşıyır”.
O, eyni zamanda dünyanı girovların qaytarılmadan atəşkəsə qarşı çıxmasına dəstək verməyə çağırıb, habelə ABŞ-ı Həmas-ın məhv edilməsi tələbinə qoşulmağa çağırıb.
İsrail hökumət başçısının sözlərinə əsasən, “bəzi ölkələrdə liderlərə təzyiq edənlər var”.
“Təzyiqlərə təslim olmayın. Bizim müharibə sizin müharibənizdir. İsrail özü və dünya üçün qalib gəlməlidir”.
Azinformasiya.az