Naxçıvanın Babək rayonunun Badaşkan kəndində “Toyota” markalı minik avtomobilində yanğın baş verib.
Azinformasiya.az xəbər verir ki, bu barədə Naxçıvan Muxtar Respublikasının Fövqəladə Hallar Nazirliyindən bildirilib.
Qeyd edilib ki, hadisə yerinə dərhal Naxçıvan şəhər Dövlət Yanğından Mühafizə Hissəsinin qüvvələri cəlb olunub.
Yanğınsöndürənlərin müdaxiləsi sayəsində yanğının qarşısı alınaraq qısa müddətdə söndürülüb.
Hadisə zamanı xəsarət alan olmayıb.
Azinformasiya.az