Masallı sakini ehtiyatsızlıqdan odlu silahdan açılan atəş nəticəsində ölüb.
Azinformasiya.az xəbər verir ki, hadisə Masallı rayonunun Qarğalıq kəndində qeydə alınıb.
İlkin məlumata əsasən, kənd sakini Ayxan Əzizov qonşusunun evində odlu silahla ehtiyatsız davranıb və silahdan açılan atəş nəticəsində ölüb.
Qeyd edək ki, Ayxan Əzizov Azərbaycan Ordusunun giziri, şəhid Elvin Əzizovun oğludur. Elvin Əzizov Vətən müharibəsində Füzuli uğrunda gedən döyüşlərdə şəhid olub.
Azinformasiya.az