Fransa Prezidenti Emmanuel Makron ABŞ lideri Donald Trampın tənqidlərinə cavab verib.
Azinformasiya.az xəbər verir ki, Makron Tokiyoya rəsmi səfəri zamanı Yaponiya televiziyası “NHK”ya verdiyi müsahibəsində Fransa ilə müharibəyə dair məsləhətləşmə aparılmadığını bildirib.
“Tamamilə doğrudur ki, Fransa ilə heç bir məsləhətləşmə aparılmayıb və Fransa ABŞ-la İsrail tərəfindən başlanan bu hərbi əməliyyatın bir hissəsi deyil, ona görə də orada iştirak etmir”, — Makron qeyd edib.
O həmçinin qeyd edib ki, bu, Fransanın müharibənin ilk günündən bəri mövqeyidir.
Qeyd edək ki, ABŞ Prezidenti Donald Tramp İranla müharibə üçün hərbi təchizat daşıyan təyyarələrə Fransanın üzərindən uçuş qadağasını tənqid edib.
Azinformasiya.az