ABŞ və Almaniya Ukraynanın NATO-ya qoşulmasının başlıca əleyhdarlarıdır.
Azinformasiya.az xəbər verir ki, bunu Fransa Prezidenti Emmanuel Makron alyansın 75-ci ildönümü münasibətilə keçirilən sammitindən öncə açıqlamasında deyib.
O, ABŞ və Almaniyanın Ukraynanın alyansa qoşulmağa dəvət edilməsinin şiddətlə əleyhinə olduğunu vurğulayıb.
“Nəticə olaraq, Ukraynanın NATO-ya qoşulmağa dəvət edilməsi müttəfiqlərin qərarı olacaq”, – Fransa lideri deyib.
Makron, həmçinin NATO-nun Litvada keçirilən sonuncu sammitində Ukraynanın alyansa dəvət edilməməsinin ukraynalıların üzvlüklə bağlı ümidlərinə zərbə vurduğunu, Vaşinqton sammitinin ssenarisinin də eyni olacağı qənaətində olduğunu qeyd edib.
“Ukraynalılar qapı açıq olduğu, ancaq o qədər də açıq olmadığı qənaətinə gələndə kifayət qədər qəzəbləndilər. Məncə, Vaşinqton sammitinin ssenarisi də eynidir”, – deyə Makron vurğulayıb.
Azinformasiya.az