Rusiya xarici işlər nazirinin müavini Sergey Ryabkov ABŞ-ın İranla Birgə Hərtərəfli Fəaliyyət Planı (Joint Comprehensive Plan of Action – JCPOA) bərpası ilə bağlı gizli danışıqlar apardığını istisna etməyib.
Azinformasiya.az xəbər verir ki, bu barədə Sergey Ryabkov jurnalistlərə müsahibəsi zamanı TASS-ın müxbirinə bildirib.
“Bütün sirlər bir gün açılacaq, bu, aydın məsələdir. Biz keçmişdə də ABŞ və İranın qapalı rejimdə bir-birilə dolayı yollarla görüşlər keçirdiyini görmüşük. Belə təmasların indi də baş verdiyini istisna etmək olmaz”, – Ryabkov diqqətə çatdırıb.
Azinformasiya.az