Kürdəmirdə yol-nəqliyyat hadisəsi baş verib, xəsarət alanlar var.
Azinformasiya.az xəbər verir ki, hadisə Bakı-Qazax əsas magistral yolunun rayonun Karrar qəsəbəsindən keçən hissəsində baş verib.
“Mercedes” markalı mikroavtobus hərəkətdə olarkən idarəetməni itirərək aşıb.
Nəticədə 5 nəfər – Göyçay rayon sakinləri, 68 yaşlı Süleyman Rəhimov, 17 yaşlı Şəfa Bəkirov, 18 yaşlı Nərmin Ələkbərova, Bakı şəhər sakinləri, Dmitri Nubaxoviç və Nəzakət Məmmədova müxtəlif xəsarətlər alıblar.
Zərərçəkənlər Kürdəmir Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
Azinformasiya.az