Hazırda yalnız Rusiya və ABŞ Ukrayna ilə bağlı danışıqlar aparır.
Azinformasiya.az xəbər verir ki, bunu Rusiya Prezidentinin beynəlxalq məsələlər üzrə köməkçisi Yuri Uşakov bildirib.
Onun sözlərinə əsasən, Ukrayna ilə bağlı danışıqları ancaq Moskva və Vaşinqton aparır, hazırda başqa heç bir danışıqlar aparılmır:
“Avropalılar bütün təmaslardan imtina edir. Rusiya Avropa ölkələri ilə danışıqlar aparmır, ancaq bu danışıqlara hazırdır”.
Kreml rəsmisi Ukrayna ilə bağlı mümkün razılaşmaların beynəlxalq səviyyədə tanınmasının Rusiya və ABŞ arasında danışıqların mövzusu olduğunu da qeyd edib: “İndi konkret məsələlərə toxunmayacağam. Bütün bu məsələlər, xüsusən də Rusiya və Amerika tərəfləri arasında danışıqların mövzusudur”.
Azinformasiya.az