İranın yeni ali rəhbəri Müctəba Xamenei müharibənin əvvəlində atasının öldürüldüyü hava zərbəsi zamanı aldığı ağır üz və ayaq xəsarətlərindən hələ də müalicə alır.
Azinformasiya.az xəbər verir ki, “Reuters“ agentliyinə yaxın mənbələrdən bildirilib.
Qeyd edilib ki, Tehranın mərkəzində ali rəhbərin iqamətgahına edilən hücum zamanı Xameneinin üzü ciddi şəkildə zədələnib, eyni zamanda onun bir və ya hər iki ayağında ağır xəsarət qeydə alınıb.
Vurğulanıb ki, buna baxmayaraq 56 yaşlı Xamenei aldığı xəsarətlərdən sağalmaqdadır və mənbələrin bildirdiyinə əsasən, zehni baxımdan ayıq qalır.
“Həssas məsələ ilə bağlı danışdıqları üçün adlarının açıqlanmasını istəməyən şəxslərin sözlərinə görə, o, yüksək vəzifəli rəsmilərlə audio-konfrans vasitəsilə iclaslarda iştirak edir və müharibə, o cümlədən Vaşinqtonla danışıqlar da daxil olmaqla əsas qərarların qəbulunda rol oynayır”, – məlumatda deyilib.
Azinformasiya.az