“Gürcüstan hökuməti Avropa İttifaqına üzvlükdən heç vaxt imtina etməyib”.
Azinformasiya.az xəbər verir ki, bu barədə Gürcüstan Prezidenti Mixeil Kavelaşvili “Deutsche Welle” nəşrinə müsahibəsində bildirib.
O qeyd edib ki, Avropa İttifaqının bayraqları hakim “Gürcü Arzusu” partiyasının bütün əsas toplantılarında çox istifadə olunurdu.
“Təəssüflər ki, bu gün dəstək azalır. Əgər Gürcüstan əhalisinin 80 faizi Aİ-yə üzvlüyü, 60 faizi isə “Gürcü Arzusu”nu dəstəkləyirsə, bu nə deməkdir? Məlum olur ki, əhalinin əksəriyyəti, eləcə də həm Aİ-yə üzvlüyü, həm də “Gürcü Arzusu”nu dəstəkləyir. Bu iki fakt arasında fərq nədir?”, – Kavelaşvili vurğulayıb.
Dövlət başçısı Gürcüstanın Aİ-yə üzvlüyə 2030-cu ilədək hazır olacağını vurğulayıb:
“Ancaq biz hazırda Avropa İttifaqının mövqeyinin dəyişəcəyini bilmirik. Onlar ikili standartlara əsaslanırlar. Əsas dialoqdur, ancaq Avropa İttifaqı Gürcüstanla dialoqa getmir. Onlar bəzən hökuməti tanıyırlar, bəzən isə tanımırlar və bu absurddur”.
Azinformasiya.az