“Konstruktiv əməkdaşlıq iqtisadi artımın və regionun bütün xalqlarının rifahının əsas amilidir”.
Azinformasiya.Az xəbər verir ki, bunu İran Prezidenti İbrahim Rəisi hökumətin iclasında deyib.
Onun sözlərinə görə, Qafqaz regionu bu cür sıx əməkdaşlığa yaxşı nümunə ola bilər.
Rəisi regional təhlükəsizliyin vacibliyini vurğulayaraq bildirib ki, bu, çoxtərəfli daxili regional mexanizmlərin köməyi ilə təmin edilməlidir: “Qəddar və iddialı ünsürlərin müdaxiləsi isə xalqların mənafelərinə ziyan vurur”.
İbrahim Rəisi, həmçinin vurğulayıb ki, İran öz milli maraqlarında ayıq-sayıq və fəaldır: “İranın hüdudlarında İŞİD kimi terror təşkilatının mövcudluğu ölkələrin sabitliyinə və regional təhlükəsizliyə ziddir”.
Bununla yanaşı, İbrahim Rəisi bildirib ki, qonşuluq siyasəti İran üçün hər zaman orijinal olub: “Qonşuluq siyasəti xoş niyyət, mehriban qonşuluq və konstruktiv əməkdaşlıq ruhundan asılıdır və bu siyasət ikitərəfli olmalıdır”.