İran İsrailin kəşfiyyat və xüsusi əməliyyatlar xidməti “Mossad”la əlaqəli olduğunu iddia etdiyi dörd nəfəri edam edib.
Azinformasiya.az xəbər verir ki, edam edilən şəxslər “Mossad” üçün əməliyyatlar həyata keçirməkdə ittiham ediliblər.
İranın dövlət mediası edam edilən dörd nəfərin İrana İraqın Kürdüstan regionundan daxil olduqlarını və İsfahanda ölkənin müdafiə nazirliyi üçün avadanlıqlar istehsal edən zavodda partlayış törətmək istədiyini bildirib.
Məlumata əsasən, həmin şəxslər partlayışı 2022-ci ilin yayında törətmək istəyiblər, ancaq İranın daxili kəşfiyyat xidmətləri tərəfindən əməliyyatın qarşısı alınıb.
Azinformasiya.az