Fransa xarici işlər naziri Stefan Sejurne İsrailin Baş naziri Benyamin Netanyahu ilə görüşüb.
Azinformasiya.az xəbər verir ki, bu barədə Fransa XİN başçısı “X” hesabında yazıb.
“İsraildə Baş nazir Netanyahu ilə fikir mübadiləsi apardım. Balanslaşdırılmış siyasətimiz dəyişməz olaraq qalır. Girovlar azad edilməlidir. Atəşkəs imzalanmalıdır. Livanda gərginliyin azaldılmasına başlamaq lazımdır.
Bunlar İsraildə və bölgədə sülhün bərqərar olması üçün şərtlərdir”, – Fransa XİN başçısı bildirib.
Azinformasiya.az