“Hazırda Türkiyə ilə heç bir danışıqlar prosesi aparılmır”.
Azinformasiya.Az xəbər verir ki, bunu Ermənistanın xarici işlər naziri Ararat Mirzoyan xarici nəşrlərdən birinə müsahibəsində deyib. Onun sözlərinə görə, bununla belə hökumətin proqramında Ermənistanın Türkiyə ilə sərhədləri açmaqla bağlı tənzimləmə məsələsi nəzərdə tutulur.
Qeyd edək ki, Ermənistanın Baş naziri Nikol Paşinyan əvvəlki açıqlamalarında bildirmişdi ki, Türkiyə tərəfi münasibətləri tənzimləməyə və müvafiq addımlar atmağa hazır olduğu halda, Ermənistan ikitərəfli münasibətlərin qurulması imkanlarını müzakirə etməyə razıdır.