Pekin NATO-nun kommunikesində Çinin alyansın maraqları və təhlükəsizliyinə meydan oxuması, eyni zamanda alyansın Asiya-Sakit okean regionunda genişlənməsinə qarşı çıxması ilə bağlı fikirlərə sərt reaksiya verib.
Azinformasiya.az “Reuters“ə istinadən xəbər verir ki, Çinin Avropadakı missiyasının bəyanatında Çinlə bağlı kommunikedə yer almış fikirlərin sadə faktlara imkan vermədiyi, Çinin mövqeyini və siyasətini təhrif etdiyi və onu qəsdən nüfuzdan salmağa çalışdığı bildirilib.
“Biz buna qəti şəkildə etiraz edir və rədd edirik”, – bəyanatda qeyd olunub.
Bəyanatda vurğulanıb ki, Çin NATO-nun şərqə doğru Asiya-Sakit okean regionuna yayılmasına qəti şəkildə qarşıdır və Pekin öz haqlarını təhdid edən istənilən fəaliyyətə qətiyyətli cavab verəcək.
“Çinin legitim hüquq və maraqlarını təhlükə altına qoyan istənilən hərəkətə qəti cavab veriləcək”, – deyə bəyanatda əks olunub.
Azinformasiya.az