Cəlilabad rayonunda ağır yol qəzası olub.
Azinformasiya.az xəbər verir ki, yol-nəqliyyat hadisəsi rayonun Abışabad kəndi ərazisində baş verib. Fəxrəddin Fərəcovun idarə etdiyi “Mercedes” markalı minik maşını Adil Abbasovun idarə etdiyi “VAZ-2107” minik maşını ilə toqquşub.
İki nəqliyyat vasitəsinin toqquşması nəticəsində 4 nəfər Cəlilabad rayon sakini – 1962-ci il təvəllüdlü Fəxrəddin Fərəcov, 1990-ci il təvəllüdlü Aygül Əliyeva, 1982-ci il təvəllüdlü Seymur Əliyev və 2017-ci il təvəllüdlü Seyidağa Əliyev xəsarət alıb.
Sözügedən şəxslər təcili olaraq Cəlilabad Rayon Mərkəzi Xəstəxanasına çatdırılıblar.
Faktla bağlı araşdırma aparılır.
Azinformasiya.az