Cəlilabadda 5 nəfərin xəsarət alması ilə nəticələnən yol qəzası olub.
Azinformasiya.az xəbər verir ki, hadisə rayonun Adnalı kəndi ərazisində baş verib.
Belə ki, “Ford” markalı avtomobillə “VAZ” markalı avtomobillər toqquşub.
Qəza nəticəsində 5 nəfər rayon sakini – 1969-cu il təvəllüdlü Ağgül Nadirova, 1971-ci il təvəllüdlü Elminaz Həmşəliyeva, 1978-ci il təvəllüdlü Rasim Şəbiyev, 1987-ci il təvəllüdlü Ülviyyə Əsgərova və 2000-ci il təvəllüdlü Məlahət Nadirova xəsarət alıblar. Yaralılar rayon mərkəzi xəstəxanasına yerləşdirilib.
Faktla bağlı araşdırma aparılır.
Azinformasiya.az