“Birinci Qarabağ müharibəsində itkin düşənlərin ailələrinə bir xəbər verilməlidir”.
Azinformasiya.az xəbər verir ki, bu fikirləri Avropa Şurasının Baş katibi Mariya Peyçinoviç Buriç bu gün işə başlamış yaz sessiyası zamanı deyib.
Onun sözlərinə əsasən, bütün müharibələrdə olduğu kimi, Birinci Qarabağ müharibəsi zamanı da itkin düşənlər olub: “Ailələri onların başına nə gəldiyini bilməlidirlər”.
Baş katib, eyni zamanda Avropa Şurasının ölkələr arasında inamın yaranması üçün aktiv fəaliyyət göstərdiyini söyləyib.
“Azərbaycan ilə Ermənistan arasında mart ayında keçirilən İstanbul görüşünün davamı olmalıdır. Biz iki ölkə arasında inamın bərpa olunması sahəsində fəaliyyətimizi davam etdirməliyik”, – Baş katib vurğulayıb.
Azinformasiya.az