Avropa İttifaqı Yunanıstandakı yanğınlarla bağlı oraya yardım göndərib.
Azinformasiya.az xəbər verir ki, bu barədə Avropa Komissiyasının Büdcə İnsan Resursları Humanitar Yardım və Böhranın İdarə olunması məsələləri üzrə sözçüsü Balazs Ujvarı bildirib.
Onun sözlərinə əsasən, hazırda Yunanıstanda Rumıniya, Polşa və Slovakiyadan olan yanğınsöndürənlər yunan həmkarları ilə birgə yanğına qarşı mübarizə aparırlar.
Eyni zamanda onlarla yanğınsöndürmə maşını, İtaliya və Fransa tərəfindən göndərilən 4 təyyarə bu işə cəlb olunub. Bundan başqa, Avropa İttifaqının kosmik proqramının komponenti olan “Kopernikus” proqramı çərçivəsində yanğının miqyasını və nöqtələri müəyyənləşdirmək üçün peyk məlumatları Yunanıstanın müvafiq qurumlarına təqdim olunur.
Azinformasiya.az