Ağstafa rayonunda 19 yaşlı gəncin ölümü ilə nəticələnən yol qəzası olub.
Azinformasiya.az xəbər verir ki, Qazax rayon Canallı kəndinin sakini, 1963-cü il təvəllüdlü E. Hacıməmmədov idarə etdiyi “VAZ-21099” markalı avtomobili ilə hərəkətdə olan zaman əks istiqamətdə hərəkət edən 2005-ci il təvəllüdlü Ağstafa rayon Saloğlu qəsəbə sakini R. Sadıxzadənin idarə etdiyi “İJ Planeta 5” markalı motosikletilə toqquşub.
Nəticədə motosikletin sürücüsü R.Sadıxzadə hadisə yerində dünyasını dəyişib.
Faktla bağlı Ağstafa RPŞ-də CM-nin 263.2-ci maddəsi ilə cinayət işi başlanaraq istintaq aparılır.
Azinformasiya.az