İran ABŞ-nin müharibə və sülhün vaxtını müəyyən etməsinə imkan verməyəcək.
Azinformasiya.az xəbər verir ki, bunu İran Xarici İşlər Nazirliyinin sözçüsü İsmayıl Bəqai həftəlik mətbuat konfransında deyib.
O bildirib ki, İran üçün əsas meyar milli maraqlar və milli təhlükəsizlikdir.
“ABŞ-ın müharibəni idarə etdiyini düşünməsi anlaşılan deyil. İranı qısa müddətdə çökdürəcəklərini hesab edirdilər, ancaq bu baş vermədi. Yaranmış vəziyyətə görə məsuliyyəti öz üzərlərinə götürməlidirlər”, – deyə Bəqai vurğulayıb.
XİN sözçüsü qeyd edib ki, İran milli maraqlarını və təhlükəsizliyini əsas götürərək qərarlar qəbul edir.
“Biz heç vaxt ABŞ-a müharibə və sülhün vaxtını müəyyən etməyə imkan verməmişik və verməyəcəyik. Milli maraqlarımız tələb etdikdə özümüzü müdafiə edəcəyik. Diplomatiyanın milli maraqlarımızın qorunmasına xidmət etdiyini düşündüyümüz zaman isə bu vasitədən istifadə edəcəyik”, – deyə o əlavə edib.
Azinformasiya.az