ABŞ-a milyardlarla dollar zərər vurduğu bildirilən İran vətəndaşı Monteneqroda tutulub.
Azinformasiya.az “Reuters“ə istinadən xəbər verir ki, ABŞ tərəfindən axtarışda olan 39 yaşlı İran vətəndaşı Monteneqro polisi və Federal Təhqiqat Büsrosu tərəfindən birgə əməliyyat nəticəsində ölkənin kurort şəhəri Kotorda həbs edilib.
Onun həm İran, həm də Türkiyə vətəndaşlığı olub.
Monteneqro polisindən bildirilib ki, şübhəli şəxs 2013-cü ildən etibarən ABŞ-da 150-dən çox universiteti hədəf alan genişmiqyaslı kiberhücumlar həyata keçirib, bu hücumlar nəticəsində dəyən zərərin 3,4 milyard ABŞ dollarından çox olduğu təxmin edilir.
Polisin məlumatına əsasən, oğurlanmış məlumatlar və ələ keçirilmiş universitet hesablarına giriş imkanları SEPAH və onunla əlaqəli qurumların, eləcə də universitetlərin xeyrinə istifadə olunub.
Azinformasiya.az